نص المده

نص المده .. تعبير بنسمعوا في الافلام و دايما بيكون مرتبط بالناس الي في السجن و بيأدي عقوبه

المره دي متعلق بعقوبه ... بس اشد قسوه من السجن
المره دي العقوبه هي ..... كليه الهندسه قسم كمبيوتر ... يعني لا تؤلي ابو غريب ولا ابو زعبل .. المره دي كمبيوتر

المهم .. طبعا و كا انجاز لا يوستهان بيه .. كان لازم له من احتفال .. بس المره دي مش احنا الي عملناه , دا انعمل فينا و في الاتي بعض المراسم

1- قام الدكاتره و علي راسهم د.خالد و د.أيمن "ياما تحت الساهي دواهي " بزطنا زط جماعي مبرح مصحوب بوابل من الابتسامات و العبارات الي تحرق الدم
ولكن علي مين "دا احنا المعلمين" كان الرد مباشر و صريح .. و كان شقين .. الشق الاول داخل اللجنه وكان بيتمثل في وابل من الاسئله المستفزه بعض الشي و بتكرار
الشق التاني بعد اللجنه وبيتمثل في وابل من الضحك الهستيري

2- كاي كليه او منظمه تعليميه موجوده كان لازم من اجازه بعد الامتحانات "اسف علي نعتها بالاسم ده" الامتحانات تزعل
بس المره دي كانت غيييييييييييييييير ( كمبيوتر ) المره دي الاجازه عباره عن بروججججكت من العيار الثقيل
و لما اقول عيا تقيل يبقي علي طول بروجيكت في حاجه احنا بييييييييييض فيها . العدد محدود ... و حاجه زي الفل يا ابله
اكيد مش عيزنا نضيع وقت فراغنا

3- كورس متين في الاجازه في حاجه كويسه .. عشان لو مرحتش تحس بالفضول "يا رتني كون معاهم"ز

و دا طبعا كان ملخخخخخخخخخخخخص عن الاحتفال ... ربنا ما يكتبو علي حد

و سمعني سلام الضرب في طالب سي اس ديهي حرااااااااااااااااااااااااااااااااام

كوووووووووووووووووسه

بعد البحث والتدقيق ثبت ان البنت احسن من الولد:


((( البنت بتتكلم براحتها فى التليفون وأبوها أو جوزها هو أللى بيدفع الفاتورة في الآخر)))
((( البنت مش ملزمة تجهز نفسها أبوها أو البيه (خطيبها) هم أللى هايدفعوا دم قلبهم )))
((( مفيش حد بيبص على بدلة العريس كله بيبص على فستان العروسة
((( لو واحدة عملت مخالفة وعيطت شوية للظابط هايعديها لو راجل هاياخد على دماغه )))
((( لو واحدة ماأدتش قرايبها عيدية مش هايقولوا عليها بخيلة هايقولوا أصل العيب على جوزها)))
((( لو واحدة أتأخرت على المحاضرة ممكن الدكاترة يدخلوها
لو ولد هايقولوا روح يابابا كمل نوم برة فى الشمس)))
((( لو حصل زعل بين البنت وباباها مش هايطردها برة البيت ...وهى بس يادوب تعيط شوية وبابا هايروح يصالحها علطول)))
أما الولد فايدوب يلحق مكان ينام فيه جنب البواب


دلع البنات:
ياختى قميلة ( سنتين)
ياعسولة ( 5 سنين)
ياعروسة ( 12 سنة)
ياقمر ( 18 سنة)
يا هانم ( 40 سنة)
يا أم العيال ( 50 سنة)
ياست الكل ( 60 سنة)

دلع الولاد :
انت ياد ( 10 سنين )
انت ياشحط بقيت طول الباب ( 18 سنة )
يارا جل ( 40 سنة)
ياعم الحاج ( 50 سنة )
ياراجل يا عجوز مناخيرك أد الكوز ( 60 سنة )

منقول

حاجات بتاعيت زمان

اعد اهس علي النت كالعاده و اذا بجرووب
جاااااااااااااااااااااااااااامد فحت

جروب بتاع زمان ( ريري , ابو الفصاد , فطوطه و ....)ز

الجروب الفظييييييييييييييييييع

أبطال الدجيتال

المكان : كليه هندسه .. مبني ادالاه الدور التاني علي ايدك اليمين

المهمه : امتحان تصميم منطقي 1

الزمن المحدد لانهاء المهمه : 3 ساعات

نوع المهمه : من أنواع المهمات بتاعيت رجل المستحيل

كثافه الخطوط : 600 خط في ال سم الواحد

كثافه الجداول : خمسميت جدول في الصفحه

خاتمه : جود لك " ابقي ابلني لو خلصت "ز


و في النهايه : الي تخاف منو مايجيش اطول منوا

و سمعني سلام الضرب في الميت حراااااااااااااااااام

ياااااا ريت

قمت في عز الليل ... مش عارف ليه ... طب اعمل ايه؟؟
قولت أكتب حاجه ... طب أكتب ايه !!؟

اكتب حاسس بايه .. عايز ايه .. بتحلم بايه

بحلم!! .. احلامي كتير .. نفسيييي

أيه مش عارف احلامك ايه !!؟؟

احلامي كتير .. بس يا ريت

يا ريت !؟ ما بلاش يا ريت .. دي عمرها ما عمرت بيت

لأ ياااااا ريت .. يا ريت كان عندي حاجه تشجعني انفذ احلامي

عايز دافع يعني ؟

دافع .. مشكلتي ان الدافع حلم .. حلم بعيد

يا عم فوكك من الاحلام وخليك في حياتك بدل متتحول كابوس

كابوس .. ما هي كابوس واحلامي هيا الي مصبراني
فكك مني ... انت بتتكلم زي الباقيين


قولت اسبني من الكتابه و انام .. يمكن في المنام اعيش احلامي

Are you in Love ??

IT'S TRUE!!!!

12 Ways to Know That You Love Someone

TWELVE:
You talk with him/her late at night and when you go to bed you still think of him/her.

ELEVEN:
You walk really slowly when you are with him/her.

TEN:
You don't feel Ok when he/she is far away.

NINE:
You smile when you hear his/her voice.

EIGHT:
When you look at him/her,you do not see other people around you. You see only him/her.

SIX:
He/She is everything you want to think.

FIVE:
You realise that you smile every time you look at him/her.

FOUR:
You would do anything to see him/her.

THREE:
While you have been reading this, there was a person in your mind all the time.

TWO:
You've been so busy thinking of that person that you didn't notice that number 7 is missing.

ONE:
You are going to check above if that's true and now you are silently laughing to yourself.

NOW MAKE A WISH! YOU KNOW WHAT YOU WANT THE MOST.......


*****

ورقة من ملف القضية

ورقة من ملف القضية

إنت شيوعي
أنا مصراوي
إنتو مصايب إنتو بلاوي
ممكن أعرف مين الأول بيكلمني
إحنا نيابة أمن الدولة
دول مين
دولة مصر
مصر العشه ولا القصر
أيوه حنبدي ندور ونلف حاجه تنرفز خالص
إف
مالك ... شايل طاجن خالك
لم لسانك ما تخرفش
أنا ما اقصدش اهانتك طبعا
أيوه استعبط
لاما اعرفش
إيه رأيك في سفارة كوريا
إيه رأيك في قضية مصر
مصر ف وحده
هى وسوريا وليبيا ولازم ييجي النصر
ييجي منين وازاى ولمين
آدى كلام الشيوعيين
أنا من حقي
حق ف عينك
أنا بتكلم بيني وبينك
يعني كلام بره التحقيق
إذا كانش يسبب لك ضيق
طيب قول
مين مسئول ؟
مين مسئول عن إيه يا إخينا
ع إللي جرى لنا ف غزه وسينا
أنت شيوعي أكيد وطاوعني
فض دمغك من دي قضيه شعبنا جاهل
مهما تقول له
مش حيآمن بالشيوعية
ما الشيوعية فى فيتنام
إيه رأيك فيهم يا همام
مش بطال مش بطال
لكن إحنا .. ورانا عيال
طب ما نحارب لجل عيالنا
يطلعوا أسعد من أجيالنا
إنت الظاهر مخك فاضي
وحتتعبني معاك ع الفاضي
وأنا بحبحت معاك بكفايه
إبقي اتفلسف عند القاضي
هى قضيه ؟
لأ ملوخية
أمال فاهم إيه آمال هى الدولة دى لعب عيال
ممكن أعرف أنا هنا ليه
أيوة حتعرف
أمال إيه
يوم خمسه وعشرين الماضي
إيه مشاك عند التحرير
تحرير إيه يا جناب القاضي
أنا مش فاضي
بكره تصير
بطل غلبه وجاوب دوغري
أنا غلباوي كده من صغري
كل الشيوعيين أمثالك
آخر غلبه وقله ذوق يحصل إيه لو تمشي ف حالك
فاكر نفسك مين
ما تفوق
لو راح افوق
مش من مصلحتك
أنا معجب جدا بصراحتك
إيه رأيك فى حكايه الطلبه
حاجه عظيمه بشرة خير
إنت دماغك ينفع جزمه
وانت لسانك ينفع سير
إخرس قطع لسانك سافل
كتر خيرك
مخك قافل
مين وداك بقي عند الطلبه رايح ضمن المندسين
رحت أناقشهم واسمع منهم
تسمع منهم إيه يا سي طين
دول عايزين الدنيا تولع علشان أصلا
مش فاهمين
هى الحرب يا عالم لعبه
دى بتتكلف بالملايين
وأنت حتدفع إيه من جيبك
امال ح ادفع من جيب مين
إنت حمار وخدوك فى مشمك رحت هناك زى الباقيين
عاملين لجنه
وقال وطنيه
مش ممكن دول وطنيين
وجماعة أنصار الثورة
وفلسطين وهباب الطين
ما نخلينا يا سيدي في حالنا
مالنا ومال الفدائين
هو إحنا اللي نهبنا بلدهم
دول عالم صيع فاقدين
قتلوا الراجل عند الشيراتون
وإحنا إللي طلعنا القاتلين
وصفي التل دا كلب وخاين
اهو كل العالم خاينين
واحد صاحبي مراته مرافقه
وهو مرافق
ييجي عشرين
أمريكا بتزعل وبتحرن
هو إحنا يا عالم ناقصين
مش نستعبر
م إللي جرالنا
ونعيش بقي زى العايشين
دي عيال عملا للشيوعيه
وإحنا عدو الشيوعيين
ورق دمك بس يا بيه
مين مساعدكو بقالكو سنين
بيساعدونا صحيح يا سي بعجر
علشان أصلا مش فاهمين
إحنا حيلتنا منين نديهم
ونسددهم بالملايين
يمكن يعني قضيه مبدا
مبدا مين وزكايب مين
هي دى عالم تعرف مبدا
دولا باقول لك
ناس مجانين
اخترعولنا السد العالي
علشان نبقي اشتراكيين
إشتراكيه هناك ف بلدهم
وإحنا ف دارنا
نعيش حرين
عايزين الفلاح الجاهل
يتساوى بالمحترامين
وكمان قال
تحديد ملكيه
أبو ألفين
يدوه خمسين
شغل ملاحده وعالم كفره
ومخالفين أحكام الدين
والعمال رخرين اسم الله
فاهمين روحهم
بني آدمين
ناس عايزين الحرق بولعه
دا كله من الشيوعيين
نشروا لنا الأفكار السوده
أولاد الكلب الملاعين
مين وداك بقي عند الطلبه
انطق قول
اتكلم مين
هما إيه مطالبهم ؟
انت حتستجوبني يا شاطر
لأمش قصدى
بس أنا باسأل
كانوا طالبين كراريس ومساطر
ولا مطالب ميه الميه
كل الشعب مآمن بيها
دول طالبين حرب وشعبيه
مين مجنون بقي
حيمشيها
عايزين يدوا الرتش سلاح
عشان تحصل فيها مجازر
أنا لو أشوف حلوف فلاح
شايل شومه
لازم اهاجر
لازم بينه وبينك دم
دم ف عينك
هس اتلم
ثم نحارب ليه
وبايه
بسلاح ما يموتش بعوضه
ورق دمك بس يا بيه
الحرب ضروره ومفروضه
واهو نفس سلاحنا المظلوم
في فيتنام دابح أمريكا
دى طبيعه أرض يا بني آدم
بطلوا بقي كدب وبولوتيكا
طب ما الهند بنفس سلاحنا
فى باكستان
بعزقت الغرب
رأيك يعني ضروري ان إحنا
وحتما يعني نخش الحرب
طيب
حاضر
فين المخبر
حتغير رأيك
بالضرب

أمتحان التيكنيكال ريتنج

صحيت الصبح بعد موحاولات موستاميته من الاهل كالعاده .. وصلت ان بابا كان بيرن عليا عشان اصحي
المفروض ائوم عشان اخود فكره عن الماده الي هامتحن فيها كمان 3 ساعات
المهم صحت الساعه 6 بالعافيه واعدت اتصفح الماده واذ بها انجليزي يا مرسي .. امت اري الس فيه الناصيب و جهزت و نزلت

نزلت قابلت محمد ياسر عشان نتوكل علي الله و نروح الامتحان .. و كالعاده سألنا بعض ايه اخبار الماده و لاول مره تكون الاجابه مصحوبه بأبتسامه :)

و علي غير العاده اول مشروع نشاويرلو وقفلنا " اللهم اجعلو خير " و السواق كان باين عليه من النوع البرووووفيشنال :):) اخد السكه في تلت ساعه ..رغم ان العادي بتاعها ساعه الا تلت " مش بأولوكو برووووفيشنال :):) " الحمد لله وصلنا سالمين

دخلنا الكليه و مع كل خطوه الابتسامه بتروح وبيجي الأ المجهول ( الامتحان ) اصل الدكتور كان مطمنا فححححححححححححت "انا عومري ما بكرر امتحاني " أخير اطمئنان

قابلنا الناس وفي محاولا منينا لنسيان توتر الامتحان اتقلب الموقف لضحك هستيري
مرت الدقايق واحنا واقفين لمحت حاجه سودا وقفه عند مبني اداره .. ركزنا شويه أيه دا .. دا براري .. بستك عليه لما نشوفه بيعمل ايه

مرسي : يراري أيه الي موأفك هنا يا واد
براري : باتفرج ..... أنت يا واد يالي هنا يالي بتتكلم شايفك
أنا : واقيف علي الكليه يعني (:(: هههههههه

اعدنا نهس علي الماده طبعــــــــــــا
وفجاه .. الساعه اربت علي 9 .. يالا بينا الامتحان

طلعنا وبرده علي غيير العادع الكل مبتسم و محدش ماسيك مزكره ولا مرجع ف أيدو .. اللهم كملها علي خيير

وجه الورق .. وتداول السؤال المتعارف عليه .. هيا المادع اسمها ايه ؟؟!! وبعد تداولات ليست بالكبيره استقرنا علي اسم الماده الحمد لله ببوص في ورقه الاسئله .. دول 3 اسئله بس .. انا اتخضيت بأه .. اعديت الف في الولارقه يمكن فيه سؤال كده ولا كده .. مفيش هما تلاته بس .. قمت ايل فولاااات و مسمي وبادء

السؤال الاول سي في
نرجع كدا فلاش باك ساعيت ما كنت بزاكر .. اصدي باخود فكره (:(: انا كل الي عملتو اني بصيت علي محضرتين بس منهم بتاعيت ال سي في دي "كلاكيت فولاااااااااااااااات تاني مره "

وحده وحده .. و رغم الانجليزي الغريب بتاع الدكتور الي حاتو عند في الامتحان من عينه ( مرسي بن الزناتي اهزم يا منذذ ) وصلتلكو اكيييد (:(: ز
وقفت حتا معايا و :اي طالب عادي بسأل الدكتور .. يؤم بكل بساطه يؤلي لو شايفها اينف خلاص ( زمه و دين انا لو شايف اي كلب فيها هوجع دماغي معاك لييييه ) حكم

عدت ساعه من الوقت لقيتني خلصت .. نفس زهوول اول الامتحن جالي تاني .. اعدت الف في الورقه و ابوص حوليا الاقي الناس زيي اعدين يتفرجوا علي الورقه .. قولت يبأي طبيعي بأه
بعد محاولات من استجماع الشجاعه .. قررت اسلم و امشي .. قمت لاميم حاجتي و رايح اسلم .. لقيت الدكتور بيبص بأستغراب في الساعه (كأنع بيقول .. دا عبيط دا ولا ايه )و انا علت فيها رنبو وكملت المشوار .. ام ايال بردو بمنتهي العفويه خلصت ؟ " لأ جاي ازور السكه "
المهم المراقبه عاديت نفس السؤال "شعب مصري "ز

وخلص الامتحااااااااااااااان
انا كتبت البوست دي من فرحتي " ميش مسدأ نفسي يا لمبي .. اليوم كلووو عدا كويس " لولولييييييي

مهنّد والأرنبة وطابور العيش

مهنّد والأرنبة وطابور العيش
وأشيـاء أخـرى

وانا باتفرج مرة صدفة على الدش شفت لقطة من المسلسل المشهور: نور ومهند
شفت بقى الواد ده قاعد على منصة هوّ وبنتين زي القمر.. وهاتك ياكلام من المدبلج الرخم ده اللى مفيهوش جملة مفيدة أساسا من نوعية
هي: إذن لماذا سوف يكون إذا لم يستطع هذا ولم يكن ومازالوا هناك؟
يرد عليها بغضب: ربما كانت ستظل لعل بينما مازال مابرح ماانفكّ
وتهمس لهما الأخت الثالثة بهدوء: ينبغى أن يكون ذلك أو لا ينبغى فتلك من هذه أو هذان سيان
*******
إيه الدبلجة الرخمة دى؟؟ مفيش أحسن من الكلام الشعبى بتاع المسلسلات بتاعتنا.. قصص زى الفل وكلام زى الورد.. البت حبت الواد واتجوزها عرفى من ورا أهلها ولما حصلت الفحشاء أبوها عرف راح لطشها قلمين والواد اعترف بغلطته واتجوزها رسمى.. بس خلاص.. خلص المسلسل.. من غير لا دبلجة ولا شقلبة
وبعدين أنا ممكن اقتنع ان واحدة تعجب بمسلسل وتتابعه.. إنما الواحدة دى تتطلّق أو تشتم جوزها عشان هوه مش زى اسم النبى حارسه وصاينه مهند؟؟ ليه ان شاء الله؟؟ مهند ده إشعال ذاتى يعنى وجوزها بعين واحدة؟؟ إيه الشلل ده؟؟
وبعدين بيقول لك واحدة اتطلقت من جوزها عشان طلبت منه يجيب لها ورد كل يوم الصبح زى مهند.. أيوة يعنى الراجل يروح يقف فى طابور العيش ولاّ في طابور الورد؟؟ الست دى هتفطر فول ولاّ هتفطر ياسمين؟؟ هتتنيّل على عين أهلها وتعمل لعيالها ساندويتشات للمدرسة ولاّ هتلفّ الساندويتشات فى لفتين تيوليب عطر فرنسى الإيحاء؟؟
*******
محدش يقول ان ردود الأفعال دى مش بتاعة الناس الغلابة وانها من ناس أغنياء... أنا باقول بقى إن ولا الأغنياء المفروض يعملوا كده.. يعنى مثلا نفترض ان نجيب ساويرس مراته زعلت منه عشان مجبش ليها ورد كل يوم الصبح.. أقطع دراعى إن ما قطع عنها خط المحمول.. ده ممكن يلغى من السوق كروت الشحن ام عشرة جنيه باعتبار انها بتشحن كروت بعشرة يعنى!! هيه الناس دى فاضية؟؟
والحاجة اللى تخنق بقى لما يجيب لك شوية لقطات من قصور وبيوت نضيفة وتبقى كل المشكلة ان البطل جرح إحساس ضافر الصباع الخنصر بتاع رِجل البطلة اليمين.. طيب ما تجيبوا لنا العيشة الفخفخينا دى واحنا هنعمل أحلى شغل
يعنى هوه الراجل المصرى واخدها كيف إنه يطلّع عين مراته مثلا؟؟ مزاجه بيتعدل لما يلطشها قلمين؟؟ لأ طبعا.. ماهو من خنقته طول النهار.. ووقفته فى طابور العيش الصبح وطابور الجمعية الظهر وطابور المواصلات العصر عشان تشريفة سيادة الباشا بتقفل ميدان التحرير وكوبرى أكتوبر وطابور القهوة بالليل عشان القهوة بقت بالحجز دلوقتى.. وعايزينه بعد كده يجيب لها بوكيه ورد كل يوم؟؟
أنا موافق ان برضه الرحمة والود والمحبة لازم تكون موجودة بس مش لدرجة الكلام الفاضى ده.. هاتولنا حاجة نعرف نطبقها يعنى
*******
عاملين زى إعلان (وقفة موزمبيقية) اللى مغرق مصر.. يجيبوا بيت معفن وعيال كتير شحاتين مش لاقيين ياكلوا ويقولوا: نفكر كلنا نشبع كلنا.. ويجيبوا صورة لقصر كبير وترابيزة مليانة أكل فراخ ولحمة وبرضه: نفكر كلنا نشبع كلنا
يعنى هيه المشكلة فى العيّلين الزيادة يعنى.. يعنى هوه الراجل الملياردير صاحب القصر هتفرق معاه لو مراته طلعت أرنبة وجابت له خمسة وستين عيّل؟؟ والراجل الشحات اللى مش لاقى ياكل هتفرق معاه لو مراته ماتت أساسا؟؟ هيفضل ده ملياردير وده شحات
وبعدين المدارس اللى بيجيبوها فى الإعلانات دى مش بتاعتنا.. إعلان البت الصغيرة اللى بتيجى بترسم والأستاذة بتبتسم فى وشها وتشجعها.. مكنش مقرر علينا حضرتك.. إحنا عمرنا مارسمنا أصلا غير أول كل سنة يقولولنا ارسموا حرب أكتوبر.. نفضل نرسم مسدسات وواحد شايل العلم.. فضلت بحمد الله خمس سنين ارسم نفس الراجل وهو شايل العلم على الجبهة لما طلعت روحه وكان هيقلب يهودى .. وكمان كنت بارسم الجيشين اللى بيحاربوا بعض عليهم علم مصر.. يعنى مثلا عبد الناصر بيحارب السادات.. حاجة زى كده
*******
نرجع للمسلسل.. وبعدين بجد المسلسل رخم يعنى بغض النظر عن البطل والبنات اللى معاه.. مش هاتكلم عن السفالة اللى الناس بتقول ان المسلسل مليان بيها عشان أنا مشفتش بصراحة لانى مش متابع إلا الحتة اللى شفتها.. إنما فعلا رخم.. عامل كده زى برنامج هذا المساء بتاع الشاب المتجدد سمير صبرى.. تحس انه بيلزق كده والواحد لازم يغسل إيده بعد ما يتفرج
وبعدين هوّ الحب ان الواحد يجيب لحبيبته ورد كل يوم؟ ولاّ يقعد يبص فى عنيها طول النهار باعتبار انه بيسرح شعره فى عنيها يعنى؟؟
الحب أكبر من كده بكتير
الحب ان حبيبتى تجيب لى قميص جديد فى عيد ميلادى وانى أحوّل لها خمسة جنيه رصيد فى عيد ميلادها
الحب انى دايما أمشى بفلوس مجمدة عشان هيّ اللى تدفع تذكرة المترو
الحب انى دايما اروح الحمّام فى نهاية قعدتنا فى الكافتريا عشان هيه اللى تحاسب
الحب انها تقول لى باحبك.. وساعتها اكون باخلص المستوى التاسع فى لعبة التعبان بتاعة الموبايل
الحب حاجات كتير أعمق من مجرد ورد وكلام فاضى.. افهموها بقى
*******

بلاش كلام فى السياسه

بلاش كلام فى السياسه

أسئلة سياسية مختلفه لشرح المثل الشعبى المصرى:

س1: بما تصف العلاقات المصرية الاسرائيلية؟
ج1: يا بخت من بات مظلوم و مبتش ظالم



س2: بما تفسر الموقف العربى أمام الأوضاع فى غزة؟
ج2: إذا كان الكلام من فضة فالسكوت من ذهب


س3: بما تصف العلاقات المصرية الأمريكية؟
ج3: اللى أكله ما هو من فأسه ... رأيه ما هو من رأسه


س4: بما تصف سياسة مصر الخارجية؟
ج4: دسنا الأرض اللى ما تنداس و بوسنا اليد اللى ما تتباس لا نابنا لا ذهب و لا نحاس


س5: ما هى سياسة مصر الداخليه؟
ج5: أضرب المربوط يخاف السايب


س6: ما هو نظام الحكم فى مصر؟
ج6: سمك لبن تمر هندى



س7: ما هو موقف الأخوان المسلمين من الحكم؟
ج7: عينى فيه و أقول أخيه


س8: بما تفسر الأداء الحكومى المصرى؟
ج8: إن كان هذا يكيدك أنا أزيدك


س9: بما تصف التصريحات الحكوميه؟
ج9: أسمع كلامك أصدقك أشوف أمورك أستعجب


س10: بما تصف زيادة معدل النمو فى مصر؟
ج10: إن كان الكذب حجة فالصدق أنجى


س11: بما تفسر التغيير الوزارى؟
ج11: ايه يعمل الترقيع فى الثوب البالى


س12: بما تصف الأخبار فى الصحافة الحكومية؟
ج12: قالوا الجمل طلع النخلة أدى الجمل و أدى النخله


س13: بما تفسر ميزانية برنامج البيت بيتك؟
ج13: اللى يعوزه البيت يحرم على الجامع


س14: بما تفسر تضخم ثروة أحمد عز؟
ج14: سبحان العاطى الوهاب من بعد الشبشب و القبقاب

س15: ما هو الفرق بين حزب الوفد و حزب الجبهة الديمقراطية؟
ج15: لا تعايرنى ولا أعايرك دا الهم طايلنى و طايلك

و فى النهاية أعزائى بعد ما شفنا قدرة المثل الشعبى المصرى على تلخيص الكثير من القضايا أحب أنهى حديثى بمثل شعبى أيضا لكنه فى تقديرى كان سبب من أسباب تعاسة الشعب المصرى ألا و هو:

' اللى تعرفه أحسن من اللى ماتعرفوش'

و طبعا هذا المثل إجابه لسؤال معروف أتركه لذكاء حضراتكوا اعمالا بالمثل الشعبى الذى يقول

'من خاف سلم’

وانبى تستروا عليا وبلاش ـــــــ انتوا فهمين

professional :D:D

اسكندرية

يا اسكندريه
بحرك عجايب
ياريت ينوبني م الحب نايب
تحدفني موجه
على صدر موجه
والبحرهوجه
والصيد مطايب
أغسل هدومي
وأنشر همومي
على شمسه طالعه
وأنا فيها دايب
كأني فلاح في جيش عرابي
مات ع الطوابي
وراح في بحرك
كأني نسمه فوق الروابي
م البحر جايه
تغرق في سحرك
كأني كلمه من عقل بيرم
كأني غنوه من قلب سيد
كأني جوا المظاهره طالب
هتف باسمك
ومات معيد
كأني صوت النديم
في ليلك
بيصحي ناسك
يشدوا حيلك
كأني طوبه من بيت في حاره
كأني دمعه
في عيون سهارى
كأني نجمه فوق الفناره
تهدي الحيارى
والبدر غايب
يا اسكندريه
يامصراويه
على سن باسم
على ضحكه هاله
البحر
شباك ومشربيه
وانتي الاميره
ع الدنيا طاله
يا اسكندريه عاشق
وبدوي
ارتاح في حضنك
والود ودي
يكون كلامي
عربون غرامي
وبالمحبه
ناخد وندي
يا اسكندريه فيكي الغلابه
ع الرزق يسعوا ولايناموش
صبح صباحهم
رجع مساهم
وزاد شقاهم
ومارتاحوش
يا عيني ع اللي الزمان تعبهم
وضاع تعبهم
ومالتقوش
نزل شبكهم
في بحر طامي
طلع شبكهم
على فاشوش
وفيكي بين البشر
ديابه
وفيكي فوق البشر
وحوش
وفيكي ناس مغرمين صبابه
لو خان زمانهم
مابيخونوش
وفيكي خمري
سلمت امري
ما اقدرش اشوفه
وما انيلوش
سمك يا بني يا اسكندراني
في العشق واحد
مالكش تاني
سمك يابني يا اسكندراني
في الحسن ساحر ومعجباني
سمك يابني
والعشـق غيه
تبدأ بنظره
تبقى ملاغيه
وكل عاشق وله بهيه
وكل شاعر وله اغاني
وأنا اللي عشق الصبايا كاري
أعشق وأغني ما اقدرش اداري
واي نظره بتجيب قراري
وايشحال عيونك
يا الاسمراني

طاطي راسك-أحمد فؤاد نجم

طاطي راسك طاطي طاطي .. انت ف وطن ديمقراطي .. انت بتنعم بالحرية .. بس بشرط تكون مطاطي
لما تكون شغال بذمة .. خايف على مصلحة الأمة .. شغلك يطلع من غير لازمة .. علشان مبيعلاش غير واطي طاطي راسك طاطي طاطي .. انت ف وطن ديمقراطي

لما حاميها يكون حراميها .. وبلاده ورا ضهره راميها .. طالع نازل واكل فيها .. مسنود بالبدلة الظباطي طاطي راسك طاطي طاطي .. انت ف وطن ديمقراطي

لما شقاك يصبح مش ليك .. فقرك سد السكة عليك تتلفّت تلقى حواليك .. إما حرامي و إما عقاطي طاطي راسك طاطي طاطي .. انت ف وطن ديمقراطي

لماتلاقي بلاد الدنيا .. فيها البني آدم حاجة تانية .. وانت في الطبقات الدنيا .. قرد مسلسل أو وطواطي طاطي راسك طاطي طاطي .. انت ف وطن ديمقراطي

لما الجهلة يبقوا أمامك .. أو فوقك ماسكين ف زمامك .. ويسوقك ع الهلكة إمامك .. تشرب م السم السقراطي طاطي راسك طاطي طاطي .. انت ف وطن ديمقراطي

لما الكلمة تكون بتدينك .. لما تخبي ف قلبك دينك .. لما الذل أشوفه ف عينك .. هات إحباطك على إحباطي طاطي راسك طاطي طاطي انت ف وطن ديمقراطي .. انت ف وطن ديمقراطي

Wonderful album

Bad7ak 2009 ;)

I'm waiting this album since I heard "Bad7ak"
it is a great song ;)

Bad7ak Video

enjoy ;)

هذه الكلمات لا يفهمها الا البنات

نعم :لا

لا: نعم

ممكن: استحاله

انا اسفه: سامحنى على الى هيحصل

انا محتاجه موبايل جديد: هاتلى موبايل يا الا

إعمل الى انت عاوزه يا حبيبى: هتدفع الثمن غالى

القرار قرارك يا حبيبى: ورينى كده هتعمل ايه وابقى شوف

عاوزين نتناقش فى موضوع: عاوزه بس اعرفك انا هعمل ايه

لا عادى انا مش زعلانه: وحياه امك لتشوف

انت زى القمر النهارده: ايه القرف ده؟ يا شيخ روح احلق ذقنك

خليك رومانسى واطفى النور: نام بقى واتخمد

انا عاوزه شويه عفش فى البيت: انا هغير عفش البيت كله

انا بسمع صوت مزعج وانا نايمه: انت بتشخر وانت نايم يا لووووووووح

انا هكون جاهزه فى دقيقه يا حياتى: اقلع هدومك واتفرج على فيلم انا قدامى ساعه

فى حاجات لازم نتعلمها فى حياتنا: انت لازم تتعلم توافق على كلامى

انت سامعنى يا حبيبى: انت اطرش مش بنادى عليك يا بارد

انت بتحبنى يا حبيبى: منا عارفه ادفع بقى

لو عملت حاجه يا حبيبى لازم اعرف: انا هطلع عينك لو عرفت عنك حاجه

امثــــــــال علي البنــــــــــات تحفه ههههههه بس ممنوع الزعل

دي شويه امثال شعبيه علي البنات
بس جامده وقبل اي بنت تقرا
الزعل ممنوووووع

يلا نبتدي

أم البنت مسنوده بخيط وأم الولد مسنوده بحيط!!!!

هم البنات للممات لوعرايس أومتجوزات..

يامخلفه البنات ياشايله الهم للممات..

أتجوز الارمله وأضحك عليها وخذ من مالها وأصرف عليها..

المرأه لوطلعت للمريخ أخرتها للطبيخ

ان مات أخوك أنكسر ظهرك وان ماتت أختك أنستر عرضك وان مات ابنك انحرق كبدك

جوزت بنتي لأرتاح من بلاها رجعتلي واربعه وراها!!

دلع بنتك تعرك ودلع ابنك يعزك..

زى القطط ياكلوا وبينكروا

فى الشارع عروسة وفى البيت جاموسة

اللى ماتعرفش ترقص تقول الارض عوجة

كفايه عليهم كداا

وسمعنى سلام الضرب فى الميت حرام

ههههههههههههههههههه

aly baly balak "CSD Version" :D:D

سمع الدكتور العبقرى أن هناك دفعة جديدة قد دخلت الفخ (قصدى القسم) فقرر أن يذهب إليهم لكى يوضح لهم كيفية العمل فى هذا القسم و يوضح لهم أسلوبه، و من محاسن الصدف أن الدكتور كان ليلتها شاهد فيلم "اللى بالى بالك" و لربما (كما ظهر من خطابه) وجد توافقاً ما بين شخصيته و إحدى شخصيات الفيلم، تحرك الدكتور من مكتبه متوجهاً إلى مكان الدفعة الجديدة، و حينما دخل عليهم علاهم صمت غريب فهو ذو شخصية قوية

المهم

مسح بإصبعه على شفته ليظهر أسنانه العلوية كإحدى الشخصيات "الرياضية" و بدأ الحوار ..


"شايف قدامى خلق جديدة ..
و حاسس فيهم بابتسامة أمل ..
انسوا ..
أحب أعرفكم بنفسى ..
دكتور عتيد المنظراوى ..
أصغر دكتور حصل فى تاريخ القسم ..
حصلت على الماجستير .. بعد ما اتخرجت بسنتين
و الدكتوراه بعديها بست أشهر ..
أحب أقولكم إن القسم هنا التزام ..
يعنى تتلزم بالمحاضرات و الشيتات ..
تبقى صاحبى و حبيبى و كفائة ..
تغيب أو ما تسلمش ..
يا ريت ..
حعصرك .. أنزل منك زيروهات و وحايد ..
احترس منى ..
حتلاقينى ناططلك فى كل حتة ..
فى فصلك .. فى لابك ..
فى ميلك .. فى جروبك ..
فى نومك .. فى حلمك ..
حتلاقينى ناطط فى قلب بلوجك .."

و هنا لاحظ الدكتور أن أحد الطلبة يفكر إنه يكلم اللى جمبه ..

"هاتولى ال*** دا"

و انتهى به المطاف إلى الدكتور أدهم فقال له:
"أنت عارف القسم كويس ؟"

"لسة ما صفقتش المكان"

"نعم ؟!؟"

"لسة ما تفصقتش المكان"

"عايزك تعدى على القسم دكتور دكتور و معيد معيد و تخلى كل معيد يديك شيت و كل دكتور يديك بروجكت و تسلمهولهم فى أسبوع واحد بس وبعد كدة تجيلى هنا .. تجيلى فين ؟!؟"

"أجيلك هنا"

"تجيلى هنا أكون فكرتلك فى مشروع تعمله"

و بعد أن استطاع الطالب استيعاب الموقف .. انسحب بهدوء .. و جلس الدكتور قليلاً مع نفسه .. لقد شعر بالذنب بعد أن طلب كل هذه الطلبات من الطالب فاستدعى الطالب فوراً و قال له:
"ابنى العزيز ..
أنا أخطأت لما طلبت منك كل الطلبات دى لوحدك ..
و نسيت إن معاك ناس كتير فى الفصل قاعدين فاضيين ..
لو سمحت ..
بلغ الدفعة كلها.. يعملوا زيك .. واحد واحد !!!!!"

Gaza and The Arab world :(

ينام العالم العربي

ليلاتي … زي ما بينام

بعواجيزه … بفتيانه
بأطفاله … بشبانه
قرا الجورنال

وملا سيارته بالبنزين
وشاف النشرة بعد الظهر
وقال في الانتفاضة كلام


وحياها
وبعدين … نام

***


نزل عمل الشوبنج
وفات على شركة الفيديو
وغير شنطة الأفلام

لبس وقلع لبس وقلع
وليف نفسه في الحمام

وحط الفوم
وقام للنوم
يكمل متعته أحلام

ونام العالم العربي ليلاتي زي ما بينام

وطول الليل
صحيتوا إنتوا

ولا بتوا ولا نمتوا

تلموا الجمر من تحت التراب والثلج
تضموا الجمر … وتحّتوا

بدت بحجارة
وانتهت الحجارة بنار

بدت أفراد
بقالها لجان يمين ويسار

بدت لكن… أهي فلسطين

بحور الناس موجات موجات

بتزحف عالعدو بقوة
كانوا عشرات

بقوا ميات

بقوا ألفات

هتاف واحد بدل هتافات

بدن واحد بل بدنات

علم واحد … عليه إشارات

علم مظلوم
وجاله يوم
يرفرف توبه في السموات

وله ضحكات

وله همسات

وله صيحات

بيتقدم خطى الزاحفين

وبينادي: أنا فلسطين
أنا فلسطين
أنا فلسطين

ظلمتوني وأديني … النضال ديني

وصوتي ما زال
ولوني ما زال
ورقصي ما زال

فلسطيني
فلسطيني
فلسطيني

ميعادنا في التاريخ قدام

ونام العالم العربي
ليلاتي زي ما بينام


***


ودي الليلة

سهرنا نغني بطولاتكم

ونشرب كاس في صحتكم

وكاس ورا كاس
في صحة أحلى وأجدع ناس

قزازة تؤدي لقزازة

وحيينا البنات … والصبر
وحيينا الشباب … والقبر

فلسطين خضرا جوه الخمر

أغرودة
زغرودة
وموجودة

وعلى الخارطة ما هياش سودا

ما هياش محتلة ولا حاجة

بتتكلم فلسطيني

وما فيهاش أي صهيوني

فيها انتوا بمبانيكم
بأغانيكم

بإصراركم وأفكاركم
وبكباركم وبصغاركم

شربنا في صحة الثورة
في صحة كل من بيجسد الفكرة

وقمنا نمنا
منتظرين نقوم بكرة


***


في دي الليلة أنا نايم
وصاحي عدوي

يدفن في الشباب الحي

ببلدوزرات
بطيارات

نزل واحد على سريري وأنا نايم

جيت قايم
وأنا مفزوع

أحاول أبعد الجثة

أشيل الدم من الفرشة

ألّم ذراع كان منزوع

وناشف
إنما … مرفوع

بيهتف لسه رغم الموت
يصحي القصة في سريري

يشيل الحلم من راسي
لقيت الريق مش مبلوع

وماليش صوت
أو بانطق بصوت غيري

وقمت …
جريت للشارع

رميت نفسي في وسط عباد

وناقشنا حكاية دفنكم احياء

وقلنا: يسقط الأعداء

وهددنا الصهاينة هناك

بميت قبضة في وش الجو

وحييناك … وهاجمنا عدو السو


لكن لما شعرت بجوع
أنا حودت عالحاتي

طلبت كباب
معاه … بيرة

أنا أصلي بأحب اللحم … والبيرة

لقيت قلب الطبق
مكتوب عليه (بيت لحم)

وعلى البيرة
مكتوب (البيرة)

سكرت … وطفت
بين الصحيان والوهم

لقيتني في يافا
وفي حيفا

وفي نابلس وفي الناصرة
وفي بيت لحم وفي غزة

وقشعر جسمي
ساعة الحزن ليه هزة

خفت … وقمت
هربت أوام

لقيت نفسي في قلب البيت
لقيت الفرش من غير دم

عرفت أنام

أنام

والعالم العربي

سبقني ونام


***


يا خيي إنت وحداني
أنا صاحبك في جورناني

ساعة ما يذبحوك أصرخ
وأتلوى في أحزاني

لكن عمري ما مديت يد
أحوش باليد مدة يد

أنا موهبتي في لساني
ومش موهوب في شيء تاني

ولا مقاتل
ولا محارب
ولا مودي
ولا جايب

حبيبك … إنما شفوي وقلباوي

لكن لا طبيب ولا مداوي

ولا بأعرف أخوض الموت … ولا ناوي

أنا في كل ده خايب

ومش ظهرك
ومش سندك
ومش بلدك
ومش بلدك

وبأستغرب على جلَدك

فلو حتحس لخيك يوم
حتنادي

تلاقيني في عز النوم

أنا والعالم العربي

ليلاتي

زي ما بننام

it's from the Great " El-Abnody "